جہلم(ادریس چودھری ) شہر کے مسائل حل کرنے میں سب سے اہم کردار شہریوں کا ہوتا ہے سماجی وشہری تنظیموں کو ضلعی انتظامیہ کے اقدامات کے ساتھ کھڑا ہونا چاہیئے تاکہ بہتر سے بہتر نتائج حاصل کئے جاسکیں، ڈپٹی کمشنر جہلم کیپٹن (ر) سمیع اللہ فاروق نے یہ بات انجمن شہریاں جہلم کے وفد سے ملاقات کرتے ہوئے کہی، انجمن شہریاں کے وفد نے ڈپٹی کمشنر کیجانب سے شہر کی صفائی، خوبصورتی اور بحالی کیلئے دن رات کوششوں کوسراہتے ہوئے کہاکہ ایک ویژنری شخص اگر ضلع کا سربراہ ہو تو نیچے برسوں سے ناکارہ محکموں میں نئی جان پھونک سکتا ہے جس کی مثال گزشتہ چند ماہ کے دورا ن ضلع جہلم کی ہر لحاظ سے بہتری اور ترقی مثال ہے۔ ڈپٹی کمشنر کیپٹن (ر) سمیع اللہ فاروق نے کہا کہ جب تک شہریوں کا تعاون حاصل نہ توضلعی انتظامیہ کچھ نہیں کر سکتی، ہم نے جو اقدامات شہرکی ترقی اور بہتری کیلئے اٹھائے ہیں وہ سب آپ کے لئے ہیں اور ان سب کا خیال رکھنا بھی شہریوں کی ہی ذمہ داری ہے۔
Comments