top of page

پنڈدادنخان ۔یک نہ شد دو شد ۔ شہری وارداتوں میں لٹنے کے ساتھ ساتھ جانوں سے بھی ہاتھ دھونے لگے

للہ ٹاؤن (تصور حسین ولیال Jhelumnews.uk) للہ ٹاؤن ڈکیتوں کے نشانے پر، لوٹنے کے ساتھ ساتھ عوام کی جانوں کا بھی ضیاع ہونا شروع ہو گیا۔

مسلسل ڈکیتیوں کی وارداتوں کی وجہ سے لوگوں میں خوف ہراس پھیل گیا۔تفصیلات کے مطابق صبح تین اور چار بجے کے درمیان فروٹ کی خریداری کے لیے سبزی منڈی جانے والا دوکاندار حاجی دلاور گھر سے چند قدم کے فاصلے پر ہی لٹ گیا۔ نقاب پوشوں پر مشتمل کار سوار گروہ اسلحہ کے زور پر دوکاندار سے ساٹھ سے ستر ہزار روپے لوٹ کر فرار ہو گیا۔ حالیہ چند دنوں سے ہونے والی وارداتوں کی وجہ سے علاقے کی جان و مال کو شدید خطرات لاحق ہو گئے ہیں جبکہ چند روز قبل للہ خوشاب روڈ پر ڈکیتی کے دوران مزاحمت کرنے والا ڈرائیور فیضان طارق ستی بھی زخموں کی تاب نہ لاتے ہوئے راولپنڈی کے ہسپتال میں چل بسا ہے جو کہ للہ ٹاؤن کے علاقے کی سیکورٹی پر ایک سوالیہ نشان بنتا جا رہا ہے حالانکہ ڈی پی او جہلم کی طرف سے تھانہ للہ کے لیے اضافی گاڑی کے ساتھ ساتھ نفری کی بھی تعیناتی کی گئی ہے مگر تاحال یہ سارے اقدامات بے سود نظر آ رہے ہیں اور ڈکیتوں کا گروہ دیدہ دلیری کے ساتھ آئے روز عوام کو لوٹ رہا ہے.اہل علاقہ کی ضلعی پولیس انتظامیہ سے گزارش ہے کہ فوری طور پر ڈکیتوں کے گروہ کے خلاف کارروائی کرتے ہوئے عوام کی جان و مال کی حفاظت یقینی بنائی جائے

۔


0 comments

Comments

Rated 0 out of 5 stars.
No ratings yet

Add a rating
bottom of page