روبری اور چوری کے مقدمات میں مطلوب4ملزمان سمیت 1 منشیات فروش ملزم گرفتار

جلالپورشریف: ایس ایچ او تھانہ جلالپور شریف احسان عباس اور ٹیم کی بڑی کاروائیاں،روبری اور چوری کے مقدمات میں مطلوب04ملزمان سمیت 01 منشیات فروش ملزم گرفتار، مال مسروقہ ، رقم اور منشیات برآمد ۔ جلالپور شریف پولیس نے کاروائی کرتے ہوئے روبری کے مقدمہ میں ملوث ملزم نعیم کو گرفتارکر لیا، ملزم سے رقم 01 لاکھ روپے برآمد کر لی گئی، دوسری کاروائی میں چوری کے مقدمہ میں مطلوب ملزم الطاف کو گرفتار کرکے رقم 50 ہزار روپے برآمد کر لی گئی ۔ تیسری کاروائی میں چوری کی واردات میں ملوث ملزمان علی اور مظفر کو گرفتار کر کے پانی والی مسروقہ موٹریں برآمد کر لی گئیں ۔ چوتھی اور اہم کاروائی میں جلالپور پولیس نے منشیات فروش ملزم تصور حسین کو گرفتار کر لیا ۔ ملزم سے چرس 1300 گرام برآمد کر لی گئی ۔ ڈی پی او جہلم ناصر محمود باجوہ کا کہنا تھا کہ شہریوں کے اثاثوں اور جان و مال کی حفاظت کو یقینی بنایا جائے گا،ڈی پی او جہلم ناصر محمود باجوہ کی ایس ایچ او تھانہ جلالپور شریف اور ٹیم کو شاباش اور تعریفی سرٹیفکیٹ جاری کرنے کا اعلان کیا ۔