top of page

دینہ: نمبردار چودھری اسد عباس آف باغاں کو گولیاں مار کر قتل کر دیا گیا



دینہ(رضوان سیٹھی Jhelumnews.uk)دینہ کے نواحی علاقہ شہامد پور باغاں میں قتل کی لرزہ خیز واردات ، نامعلوم افراد نے اندھا دھند فائرنگ کر کے علاقہ کے 45سالہ نمبردار چودھری اسد کو قتل کر دیا ، اطلاع ملتے ہی ڈی پی او جہلم ناصر محمود باجوہ ، ایس ایچ او تھانہ سوہاوہ بھاری نفری کے ہمراہ موقع پر پہنچ گئے ، ریسکیو 1122نے باڈی کو ہسپتال منتقل کیا ، پولیس نے مقدمہ درج کر کے ملزمان کی تلاش شروع کر دی ۔ تفصیلات کے مطابق گزشتہ روز دینہ کے نواحی علاقہ شہامد پور باغاں کے 45سالہ نمبردار چوہدری اسد عباس ولد محمد فضل جو کہ راولپنڈی کچہری سے واپس آ رہے تھے کہ لہڑی روڈ کے مقام پر نامعلوم افراد نے انددھا دھند فائرنگ کر کے قتل کر دیا ، اطلاع ملتے ہی ڈسٹرکٹ پولیس آفیسر ناصر محمود باجوہ ، ایس ایچ او اور پولیس کی بھاری نفری موقع پر پہنچ گئی ، بتایا جاتا ہے کہ مقتول نمبردار چوہدری اسد عباس نمبرداری کے سلسلے میں راولپنڈی کچہری سے واپس آ رہا تھا کہ اچانک دینہ کے قریب لہڑی روڈ پر قتل کی اطلاع ملی ، ملزمان موبائل فون اور پرس جس میں نقدی پڑی ہوئی تھی ساتھ لے گئے ، قتل کی وجہ معلوم نہ ہو سکی ، پولیس نے مقدمہ درج کر کے ملزمان کی تلاش شروع کر دی

0 comments

Comments

Rated 0 out of 5 stars.
No ratings yet

Add a rating
bottom of page