top of page

جہلم: پٹرولیم مصنوعات کی قیمتوں میں کمی کے باوجود مسافر گاڑیوں کے سٹاپ ٹو سٹاپ کرائے کم نہ ہوسکے

Jhelumnews.uk ڈسٹرکٹ رپورٹر

ضلع جہلم میں پٹرولیم مصنوعات کی قیمتوں میں کمی کے باوجود مسافر گاڑیوں کے سٹاپ ٹو سٹاپ کرائے کم نہ ہو سکے جبکہ جہلم شہر میں رکشہ ڈرائیورز بھی من مرضی کے کرائے وصول کررہے ہیں۔ اس کی بنیادی وجہ سیکرٹری ریجنل ٹرانسپورٹ اتھارٹی کی عدم دلچسپی ہے۔ سیکرٹری ریجنل ٹرانسپورٹ اتھارٹی کا دفتر آج تک پنجاب روڈ ٹرانسپورٹ اتھارٹی کے مقررکردہ کرایوں پر عمل درآمد کروانے میں مسلسل ناکام ہے اور مسافر پی آر ٹی اے کے مقررہ کردہ کرایوں سے کئی گنا زائد کرایوں کی ادائیگی کے بعد بھی باعزت سفر سے محروم ہیں۔ جہلم سے 15 کلومیٹر کا کرایہ 1سو روپے دھڑلے سے لیا جارہا ہے، جہلم سے جلالپور شریف کا سفر 45 کلو میٹر جبکہ کرایہ ساڑھے 3 سو روپے وصول کر رہے ہیں اگر کوئی مسافر احتجاج کرے تو عملہ مسافروں کو بے عزت کر کے گاڑیوں سے نیچے اتار نے کی دھمکیاں دینے سے بھی گریز نہیں کرتا۔ سیکرٹری آر ٹی اے سمیت ٹریفک پولیس ، پنجاب ہائی وے پٹرولنگ پولیس کے ذمہ داران سب کچھ جاننے کے باوجود خاموش تماشائی کا کردار ادا کررہے ہیں۔ مسافروں نے چیئرمین ڈسٹرکٹ روڈ ٹرانسپورٹ اتھارٹی / ڈپٹی کمشنر سے سٹاپ ٹو سٹاپ اور اندرون شہر چنگ چی رکشوں کا کرایہ مقرر کرنے اور اس پر عملدرآمد کروانے کا مطالبہ کیاہے

0 comments
bottom of page