top of page

جہلم!نوابزادہ مطلوب مہدی، طالب مہدی اور چوہدری فرخ الطاف کی شہباز شریف سے ملاقات، طالب مہدی الیکشن سے دستبردار ہو گئے، دونوں نے چوہدری فرخ الطاف کی حمایت کا اعلان کر دیا



جہلم( ادریس چودھری)نوابزادہ مطلوب مہدی، طالب مہدی اور چوہدری فرخ الطاف کی شہباز شریف سے ملاقات، مطلوب مہدی اور طالب مہدی الیکشن سے دستبردار ہو گئے، دونوں نے چوہدری فرخ الطاف کی حمایت کا اعلان کر دیا۔ تفصیلات کے مطابق سابق لیگی ایم این اے نوابزادہ مطلوب مہدی، حلقہ این اے 61 سے آزاد امیدوار نوابزادہ طالب مہدی، حلقہ این اے 61 جہلم ٹو سے مسلم لیگ (ن) کے امیدوار چوہدری فرخ الطاف، چوہدری عابد اشرف جوتانہ، حلقہ پی پی 26 سےمسلم لیگ (ن) کے امیدوار حاجی ناصر محمود للِہ، آزاد امیدوار افتخار احمد شہزاد اور دیگرنے لاہور ماڈل ٹاؤن میں سابق وزیراعظم میاں شہباز شریف سے ملاقات کی۔ ملاقات میں جہلم کی سیاسی صورتحال اور انتخابی مہم کے حوالے سے تبادلہ خیال کیا گیا، ملاقات کے دوران سابق لیگی ایم این اے نوابزادہ مطلوب مہدی اور حلقہ این اے 61 جہلم ٹو سے آزاد امیدوار نوابزادہ طالب مہدی نے الیکشن سے دستبرداری کا اعلان کرتے ہوئے مسلم لیگ (ن) کے امیدوار چوہدری فرخ الطاف کی حمایت کا اعلان کیا۔ واضح رہے کہ مسلم لیگ (ن) نے حلقہ این اے 61 جہلم ٹو سے نوابزادہ مطلوب مہدی کی جگہ چوہدری فرخ الطاف کو اپنا امیدوار نامزد کرتے ہوئے پارٹی ٹکٹ جاری کیا تھا جس سے نالاں ہو کر مطلوب مہدی کے بھائی نوابزادہ طالب مہدی نےحلقہ این اے 61 سے آزاد حیثیت سے الیکشن لڑنے کا اعلان کیاتھا۔ دوسری جانب جہلم کے صوبائی اسمبلی کے حلقہ پی پی 26 میں سیاسی درجہ حرارت مزید گرم ہو رہا ہے۔ ذرائع کے مطابق ملاقات میں جہلم کے صوبائی اسمبلی کے حلقہ پی پی 26 سے آزاد امیدوار تیمور نواز جٹ کی انتخابی مہم بھی زیر بحث رہی۔ ذرائع کے مطابق بیرسٹر تیمور نواز جٹ حلقہ پی پی 26 سے انتخابی معرکہ لڑنے کیلئے تیار ہیں اور لیگی امیدوار حاجی ناصر محمود للِہ کی حمایت میں انتخابات سے دستبردار ہونے کو باکل تیار نظر نہیں آتے

0 comments

Recent Posts

See All

برطانیہ نے ملک میں آنے والے افراد کی تعداد کو محدود کرنے کے لیے اپنے ویزا قوانین میں تبدیلی کردی

(جہلم نیوز رپورٹ)برطانیہ نے ملک میں آنے والے افراد کی تعداد کو محدود کرنے کے لیے اپنے ویزا قوانین میں تبدیلی کردی۔ برطانوی نشریاتی ادارے کی رپورٹ کے مطابق برطانوی وزیر اعظم رشی سنک نے کہا ہے کہ 2022 م

دینہ (رانا محمد عاصم سے)تحصیل دینہ کے گاؤں چھنی گجراں کی ممتاز سیاسی و سماجی شخصیت ماسٹر چودھری عبدالرشید کی اہلیہ محترمہ گاؤں چھنی گجراں میں انتقال کر گئیں

دینہ (رانا محمد عاصم سے)تحصیل دینہ کے گاؤں چھنی گجراں کی ممتاز سیاسی و سماجی شخصیت ماسٹر چودھری عبدالرشید کی اہلیہ محترمہ، چودھری محمد عثمان، چودھری محمد عمر کی والدہ ماجدہ ،ہیڈ کانسٹیبل پنجاب پولیس چ

Comments

Rated 0 out of 5 stars.
No ratings yet

Add a rating
bottom of page