جہلم ( نثار احمد مغل سے)زندگی جا چھوڑ دے پیچھا میرا۔کالا گجراں میں 34 سالہ نوجوان پھندے سے جھول گیا

جہلم ( نثار احمد مغل سے)زندگی جا چھوڑ دے پیچھا میرا۔کالا گجراں میں 34 سالہ نوجوان پھندے سے جھول گیا، پولیس نے لاش کو ہسپتال منتقل کر دیا۔ تفصیلات کے مطابق گائوں کالاگجراں میں جک براہم روڈ پر 34 سالہ شاہ زیب ولد اکرم خان نے مبینہ طور پر خودکشی کر لی، نوجوان کی پھندا لگی لاش برآمد کر لی گئی۔ اطلاع ملتے ہی تھانہ کالا گجراں پولیس موقع پر پہنچ گئی اور لاش کو قبضہ میں لے کر پوسٹمارٹم کیلئے ڈسٹرکٹ ہیڈ کوارٹر ہسپتال جہلم منتقل کر دیا۔ 34 سالہ نوجوان نے خودکشی کی یا کچھ اور معاملہ؟ پولیس نے شواہد اکٹھے کر کے تحقیقات شروع کر دیں۔