جہلم:عید الفطر کے موقع پر مسافروں سے زائد کرایہ وصول کرنے والے ٹرانسپوٹرز کی شامت

جہلم ( ڈاکٹر اعجاز اعوان ) عید الفطر کے موقعہ پر مسافروں سے زائد کرایہ وصول کرنے والے ٹرانسپوٹرز کی شامت ، مسافروں کا محفوظ سفر بنانے کیلۓ اوور لوڈنگ پر کڑی نظر رکھی جائے گی ، اڈہ مالکان اور ٹھیکداروں کو کرایہ نامہ چارٹس آویزاں کرنے کا پابند بنایا جاۓ گا ، ڈی پی او جہلم کی ہدایات تفصیلات کے مطابق ڈی پی او جہلم ناصر محمود باجوہ کے حکم پر جہلم ٹریفک پولیس کی طرف سے عید کے موقع پر شہریوں سے زائد کرایہ وصول کرنے والے ٹرانسپورٹرز کو چیک کر کے قانونی کاروائی عمل میں لا ئی جا رہی ھے ۔ زائد کرایہ وصول کرنے والے ٹرانسپورٹرز کو بھاری جرمانے کیے جائیں گے اور قانونی کاروائی عمل میں لائی جائے گی ۔ مزید شہریوں کا سفر محفوظ بنانے کیلۓ اوور لوڈنگ پر بھی کڑی نظر رکھی جائے گی اور اس سلسلہ میں پنجاب ہائی وے پٹرولنگ پولیس کو بھی ہدایات جاری کر دی گئیں ہیں ۔ جبکہ اڈا مالکان اور ٹھیکیداروں کو کرایہ نامہ چارٹس آویزاں کرنے کی ہدایات بھی جاری کی گئی ہیں ۔ ڈی پی او جہلم کا مزید کہنا تھا کہ شہریوں کی سہولت کےلئے قانون پر عملدرآمد یقینی بنایا جائے گا ۔