جہلم(ظہیر عبّاس)ماحولیاتی آلودگی اور سموگ کا باعث بننے والے عناصر کے خلاف بلا تفریق کاروائی اور آگاہی مہم,سیکرٹری ڈسٹرکٹ ریجنل ٹرانسپورٹ اتھارٹی کا جہلم و دینہ کے بس سٹینڈز کا دورہ

جہلم(ظہیر عبّاس)سیکرٹری ڈسٹرکٹ ریجنل ٹرانسپورٹ اتھارٹی کا جہلم و دینہ کے بس سٹینڈز کا دورہ

جہلم(ظہیر عبّاس)تفصیلات کے مطابق ڈپٹی کمشنر جہلم محمد میثم عباس نے ماحولیاتی آلودگی اور سموگ کا باعث بننے والے عناصر کے خلاف بلا تفریق کاروائی اور آگاہی مہم کا حکم دے رکھا ہے۔اسی سلسلے میں سیکرٹری ڈسٹرکٹ ریجنل ٹرانسپورٹ اتھارٹی جہلم حافظ محمد زنیر یونس نے جہلم اور دینہ کے بس سٹینڈز کا دورہ کیا اور اینٹی سموگ آگاہی واک میں بھی شامل ہوئے۔ان کے ہمراہ موٹر وہیکل ایگزامینر جہلم انسپکٹر رضا حیدر بھی تھے۔انہوں نے بس سٹینڈز کے مینیجرز کو ہدایات جاری کیں کہ وہ اس سلسلے میں اپنا اہم کردار ادا کریں۔ضلع بھر میں دھواں چھوڑنے والی گاڑیوں کیخلاف کاروائیوں کا سلسلہ جاری ہے۔ڈرائیور حضرات اپنے زیر استعمال گاڑیوں کی بروقت مرمت کو ہر صورت یقینی بنائیں۔میڈیا سے گفتگو کرتے ہوئے اسسٹنٹ کمشنر کوآرڈینیشن حافظ محمد زبیر یونس کا کہنا تھا کہ ڈپٹی کمشنر جہلم کے احکامات کے مطابق سموگ کو کنٹرول کرنے کے لیے عملی اقدامات جاری ہیں۔فضائی آلودگی کا خاتمہ ہم سب کی ذمہ داری ہے