جہلم!سٹی ہاؤسنگ سوسائٹی میں اسٹکر کے بغیر گاڑی لے جانے کی کوشش۔اسلحے کے زور پر غنڈہ گردی ۔ ملزم فرار

جہلم ( ڈاکٹر اعجاز اعوان ) سٹی ہاؤسنگ کے رہائشی ایریا میں اسٹکر کے بغیر گاڑی لے جانے کی کوشش میں اسلحے کے زور پر غنڈہ گردی ، سیکورٹی گارڈز کے روکنے پر ہنگامہ آرائی کرتے ھوئے گاڑی پر سوار شخص نے پستول نکال لیا ، زرائع کے مطابق سیکورٹی گارڈز کی طرف سے رہائشی ایریا میں جانے سے روکنے پر گاڑی پر سوار شخص نے ہنگامہ آرائی شروع کردی اور گارڈز سے گالی گلوچ کرتے ھوئے گاڑی سے پستول نکال کر لہرانا شروع کر دی جس پر سیکورٹی گارڈز نے پستول چھین لی ، اسی اثناء میں مقامی پولیس کواطلاع ملنے پر پولیس تھانہ کالاگجراں کے موقعہ پر پہنچنے کی وجہ سے ملزم فرار ھو گیا جبکہ کالا گوجراں پولیس کی طرف سے مقدمات درج کرلیے گئے ہیں ، یاد رہے کہ سٹی ہاؤسنگ سوسائٹی میں گزشتہ چند ماہ کے دوران فائرنگ کے کئی واقعات رونما ھو چکے ہیں۔ دوسری طرف سوسائٹی میں آئے روز ان واقعات اور اسلحہ کلچر کے بڑھتے ھوئے رحجان پر وہاں کے رہائشی بھی پریشانی کا شکار ہیں اور اس بڑھتے ھوئے رحجان کی وجہ سے شہریوں نے وہاں رہائش اختیار کرنے سے ہچکچانا شروع کر دیا ھے ۔