جہلم (رانا محمد عاصم سے)جہلم میں طوفانی بگولے نے تباہی مچادی، متعدد گھروں کی چھتیں، دیواریں گرنے سے 2 بچوں اور خاتون سمیت 6افراد زخمی ہو گئے۔ویڈیوز۔نیوز

جہلم (رانا محمد عاصم سے)جہلم میں طوفانی بگولے نے تباہی مچادی، متعدد گھروں کی چھتیں، دیواریں گرنے سے 2 بچوں اور خاتون سمیت 6افراد زخمی ہو گئے۔ تفصیلات کے مطابق جہلم میں ہوا کے طوفانی بگولے نے تباہی مچادی، سب سے زیادہ کچی آبادی کا علاقہ شانتی نگر متاثر ہوا۔ مشین محلہ میں پٹرول پمپس کی مشینیں، ہورڈنگ بورڈز بھی ہوا کے بگولے سے گر گئے۔ متعدد گھروں کی چھتیں اور دیواریں گرنے سے دو بچوں اور خاتون سمیت 6 افراد زخمی ہو گئے، زخمیوں کو اپنی مدد آپ کے تحت اسپتال پہنچایا گیا۔ جہلم شہر سے باہر کچی آبادی کے مکین سب سے زیادہ متاثر ہوئے، ریسکیو سمیت کوئی بھی انتظامیہ کا اہلکار متاثرہ علاقے میں نہیں پہنچ سکا۔ طوفانی بگولے سے ریلوے کالونی، شانتی نگر، مشین محلہ اور جی ٹی ایس چوک کے علاقے بھی شدید متاثر ہوئے ۔ متاثرین بے یارو مددگار کھلے اسمان کے نیچے انتظامیہ کے امداد کے منتظر ہیں۔ دوسری جانب ضلع بھر میں موسلا دھار بارش سے نشیبی علاقے زیر آب آ گئے۔